पार्श्वगायिका पलक मुच्छलला धमकवणारा प्राध्यापक अटकेत

पलक मुच्छलला धमकवल्याप्रकरणी आंबोली पोलिसांनी बुधवारी 30 वर्षीय आरोपी प्राध्यापक राजेश कुमार शुक्ला याला बेड्या ठोकल्या.

By: एबीपी माझा वेब टीम | Updated at : 08 Jun 2018 04:02 PM (IST)

Professor, claiming to be a fan of Bollywood singer Palak Muchhal arrested for harassing in Mumbai latest update पार्श्वगायिका पलक मुच्छलला धमकवणारा प्राध्यापक अटकेत

मुंबई : बॉलिवूडमधील प्रसिद्ध पार्श्वगायिका पलक मुच्छलला धमकावणाऱ्या व्यक्तीला अटक करण्यात आली आहे. मुंबईतील आंबोली पोलिसांनी बुधवारी 30 वर्षीय आरोपी प्राध्यापकाला बेड्या ठोकल्या. आरोपी राजेश कुमार शुक्ला पलक मुच्छलचा चाहता असल्याचं सांगत होता. पलकने आपली भेट घ्यावी, म्हणून तिचा पाठलाग करणं, नजर ठेवणं आणि फोनवरुन धमकी देणं असे सर्व प्रकार त्याने केले. आरोपी राजेश बिहारमधील सासारामचा रहिवासी असल्याचं पोलिसांच्या तपासात समोर आलं. आपल्या आवडीच्या गायकांना भेटण्यासाठी तो मुंबईत आला होता. टेलिफोन डिरेक्टरीतून पलकचा नंबर शोधल्याचा दावा राजेशने केला आहे. पलकला मेसेज केल्यानंतर दोन-तीन वेळा त्याने तिला भेटण्यासाठी फोनही केला होता. आपल्याला न भेटल्यास विनयभंग करण्याची धमकीही आरोपीने दिली होती. पलकने दोन दिवसांपूर्वी आंबोली पोलिसात तक्रार दाखल केली. सुरुवातीला तिने राजेशच्या मेसेजेसकडे दुर्लक्ष केलं, मात्र हे प्रकार वाढल्यामुळे तिने पोलिसात धाव घेतली. पोलिसांनी राजेशचा फोन ताब्यात घेतला असून त्याने इतर पार्श्वगायिकांनाही त्रास दिला आहे का, हे तपासले जात आहे. आशिकी 2, मिकी व्हायरस, आर... राजकुमार, जय हो, किक, बाहुबली, प्रेम रतन धन पायो अशा अनेक चित्रपटात पलकने गाणी गायली आहेत.

Published at : 08 Jun 2018 04:02 PM (IST) Tags: Bollywood Singer professor Bihar Mumbai

पार्श्वगायिका पलक मुच्छलला धमकवणारा प्राध्यापक अटकेत

आणखी महत्वाच्या बातम्या

टॉप न्यूज़

बातम्या

Maharashtra

Sports

Marathi News

ABP NEWS GROUP WEBSITES